अहिलेको डिजिटल युगमा जब सूचना शक्ति हो भने के गुगललाई अहिले दुनियाको सबैभन्दा शक्तिशाली कम्पनी भन्न सकिएला ?
हो, वास्तवमा गुगलसँग विश्वमा अरु कुनैपनि कम्पनीसँग भन्दा धेरै जानकारीहरु छन् र त्यस्ता जानकारीहरुलाई उसले डिजिटलाइज गरेको छ, विश्लेषण गरेको छ र पेश गरेको छ ।
सायद तपाइँको बारेमा तपाइँ आफूलाई जति थाहा छ त्यसपछि अरु दोश्रो व्यक्तिलाई भन्दा गुगललाई धेरै जानकारी हुनसक्छ । तपाइँको घरमा कुकुर छ कि छैन ? भन्ने कुरा सायद सरकारलाई थाहा नहोला, तर गुगलले थाहा पाउँछ ।
यद्यपि शक्तिसँगै जोडिएर जिम्मेवारी पनि आउँछ । शक्तिशालीसँग अरु सबैको अपेक्षा हुन्छ कि उसले आफ्नो शक्तिको प्रयोग समाजको भलाईका लागि गरोस् ।
तर के गुगल, एप्पल, फेसबुक तथा अमेजन जस्ता ठूलो प्रविधि कम्पनीहरु यो मामिलामा खरो उत्रिन सकेका छन् त ?
