चलचित्र ‘प्रेम गीत ३’ को यति बेला प्री प्रोडक्सनको काम भइरहेको छ । कलाकारको छनौट र चलचित्र युनिटको तयारी पछि चलचित्र ‘प्रेम गीत ३’ मेकिङमा जुटेको हो । यति बेला चलचित्रको लागी फ्लाईन्ङ हर्स इन्स्टिट्युटमा चलचित्रका मुख्य कलाकार प्रदीप खड्का, कृष्टिन गुरुङ, मनिष राउत, सन्तोष सेन लगायतले हर्स राइडिङको कोर्स गरिरहेका छन् ।
आसुसेन फिल्मस् प्रोडक्सनको ब्यानरमा निर्माण हुने चलचित्रलाई छेतन गुरुङ र सन्तोष सेनले संयुक्त रूपमा निर्देशन गर्दै छन् । चलचित्रमा प्रदीप खड्का, क्रिस्टिना गुरुङ, अनुभव रेग्मी, समृद्धि शाही ठकुरी, शिव श्रेष्ठ, मनिष राउत, सुनिल थापा लगायतको अभिनय रहने छ । सन्तोष सेन र विजय चामलिङ्ग मिलेर निर्माण गर्दै छन् ।
‘अ फर्बिडन लभ स्टोरी’ नाम दिइएको चलचित्र हिमाली भेगको परिवेशमा छायाङ्कन गरिने छ । चलचित्रको लागी अभिनेता प्रदीप अलि भिन्न लुक्समा देखिएका छन् तर अझै पनि उनको भूमिकाको बारेमा केही खुलाइएको छैन ।
