प्रधानमन्त्री केपी शर्मा ओली र विपक्षी दल नेपाली कांग्रेसका नेता शेरबहादुर देउवाबीच बालुवाटारमा भेटवार्ता भएको छ।

बिहीबार बिहान प्रधानमन्त्री निवास बालुवाटारमा भएको भेटमा कांग्रेस सभापति देउवाले कोरोना भाइरसको सामना र नियन्त्रण गर्नका लागि विशेष रणनीति निर्माण गर्न प्रधानमन्त्री ओलीलाई सुझाव दिएका छन्।

कोरोना संक्रमितको संख्या बढीरहेकै बेला सरकारले लकडाउनको अन्त्य गरेलगत्तै सभापति देउवाले प्रधानमन्त्री ओलीलाई भेटेका हुन्।

नेपालमा कोरोना संक्रमितको संख्बढीरहेको र अहिलेसम्म ४३ जनाको कोरोनाका कारण मृत्यु भइसकेको भन्दै लकडाउन खुलेपछिका चुनौती सामना गर्न नयाँ र विशेष रणनीति बनाउन सभापति देउवाले सुझाब दिएको कांग्रेसले जनाएको छ।

भेटमा सभापति देउवाले विदेशमा अलपत्र नेपालीको तत्काल उद्धार गर्न काग गरेका थिए। उनले पीसीआर विधिबाट मात्रै परीक्षण गर्न र क्वारेन्टिनलाई थप व्यवस्थित गराउन समेत माग गरेका थिए।