लैङ्गिक न्याय सरोकार कार्यदलले बालिका बलात्कार, हत्या, महिला हिंसा जस्ता जघन्य अपराध न्यूनीकरणका लागि कडा कानुन बनाउनेबारे छलफल चलाउने भएका छन ।यसबारे प्रतिनिधि सभाका सभामुख र राष्ट्रिय सभाका अध्यक्षलाई कार्यदलले आज जानकारी गराएको हो।
संघीय संसदका महिला सांसद सहभागी कार्यदलले प्रतिनिधि सभाका सभामुख अग्नि सापकोटा र राष्ट्रिय सभाका अध्यक्ष गणेश तिमिल्सिनालाई भेटेर जानकारी गराएको हो।
विभिन्न देशमा अभ्यासमा रहेको मृत्युदण्ड, केमिकल क्यास्टेसन, आजीवन जन्म कैद, श्रम शिविर बारेमा छलफल र बहस अभियान अगाडि बढाउन सभामुख र अध्यक्ष सकारात्मक रहेको राष्ट्रिय सरोकार तथा समन्वय समिति सभापति पार्वती रावलले बताइन्। उनले अब संसदका विभिन्न फोरमहरुमा यसबारे वहस चलाउने बताइन्।
कार्यदलले आगामी आइतबार संसदीय दलका उपनेता, मुख्य र प्रमुख सचेतहरु तथा सबै समितिका सभापतिसहितको बैठक आयाेजना गरेकाे रावलले बताइन्।